Merħba
Grazzi talli għoġbok iżżur dan is-sit.
Ta' kull sena fil-gżejjer Maltin, iż-żmien tar-Randan iġib miegħu kullana mżewwqa ta' ċelebrazzjonijiet Liturġiċi, Purċissjonijiet, wirjiet u attivitajiet diversi b’turija tad-devozzjoni lejn l-akbar ġrajja fl-istorja tal-bniedem, dik tal-Passjoni, il-Mewt u l-Qawmien ta' Sidna Gesu Kristu.
Mal-milja taż-żmien, missirijietna stinkaw b’tant ħeġġa u mħabba biex isebbħu l-knejjes tagħna b’opri artistiċi għal matul dan iż-żmien Qaddis. L-Għan prinċipali ta dan is-sit hu li niġbru flimkien tagħrif komprensiv fuq l-iżvilupp tal-kult lejn il-Ġimgħa Mqaddsa fil-gżejjer tagħna b’aċċenn fuq il-Purċissjonijiet tal-Ġimgħa l-Kbira u nesponu għall-apprezzament tiegħek dan il-wirt storiku li ħallewna l-istatwarji, skulturi u artisti kemm antiki kif ukoll kontemporanji. Kull paġna hija mżewwqa b’riratti u slajdxows mill-isbaħ u akkumpanjata minn mużika li ddaħlek aktar fl-ispirtu devozzjonali.
Għamilna ħilitna biex nagħtu l-fatti dokumentati billi użajna fonti differenti ta’ tagħrif (ara l-Biblijografija) filwaqt li fejn l-evidenza hija nieqsa ma qagħdnix lura milli nagħtu l-fehmiet ta’ esperti differenti f’dan il-qasam. Inħeġġu lil kull min jixtieq jikkontribwixxi xi tagħrif jew artikli biex jikkuntatjana fuq goodfridaymalta@gmail.com
Nixtiequ wkoll nuru l-apprezzament tagħna lejn dawk in-nies kollha li jħabirku biex iżommu dawn it-tradizzjonijiet ħajjin billi ta’ kull sena jtellgħu ċenakli, drammi u wirjiet diversi. Inħeġġuk iżżur il-paġna tal-avviżi fejn issib tagħrif fuq dawn l-avvenimenti.
Nittamaw li dan is-sit jogħoġbok u nħeġġuk tibagħt il-'link' lil min taħseb jista jinteressah fosthom lil qrabatek li jghixu barra minn Malta. Nistednuk biex tagħti l-opinjonijiet u s-suġġerimenti tiegħek permezz tal-Guestbook.
| Fotografija | Adrian Sammut - Marco Saliba |
| Ricerka u Kitba | Marco Saliba |
| Disinn tas-sit | Adrian Sammut - Marco Saliba |
Issieheb fil-grupp taghna fuq 'Facebook'
